Terapia Dentare

Terapia Dentare

Terapia përfshinë trajtimin e rrënjëve të dhëmbëve nga dentisti. Dikur një eksperiencë e frikshme për pacientët, por tashmë me teknikat moderne dentare, është kthyer një ndër praktikat më të zakonshme. Prishjet e avancuara, frakturat e dhëmbit apo sëmundjet e mishrave të dhëmbëve mund ta vrasin dhëmbin dhe të shkaktojnë simptoma në kanalet e rrënjëve si për shembull dhimbje të rrënjëve apo abses të dhëmbit. Daku Dental, me një përvojë të gjatë në terapi, e nëpërmjet përdorimit të materialeve dhe teknikave më të fundit, bën të mundur që mos të ndieni as një lloj bezdisje apo shqetësimi pas trajtimit të dhëmbit.
Dhembet meritojne kujdes , sigurohni te trajtohen
Ne kliniken tone ofrohen te gjitha procedurat per trajtimin terapeutik te dhembeve .
Materiale cilesore , teknologji bashkekohore dhe profesionalizmi i mjekeve tane per nje trajtim korrekt per dhembet tuaj.

1. Mbushje e dhembi
2. Trajtime Endodontike
3. Rikonstruksion i kurores me vide dhe kompozite

Endodoncia

Endodoncia është përgjegjëse për trajtimin e pulpës dentare (indi i pranishëm brenda dhëmbit, i cili përmban nervin, enët e gjakut dhe indin e butë lidhës) dhe indeve që rrethojnë dhëmbin. Ky trajtim njihet edhe si trajtimi i kanalit të rrënjës: dentisti heq pulpën, mbush pjesën e brendshme me një material mbushës të përshtatshëm dhe vulos rrënjën me një gomë termoplastike të quajtur gutta-perka.

Trajtimi i kanalit të rrënjës eshtei nevojshëm kur indi nervor ose pulpa është i inflamuar ose i infektuar. Nëse nuk vazhdoni me trajtimin endodontik, dhëmbi do të përkeqësohet, do të sjellë dhimbje në zonën e inflamuar dhe gjithashtu deri në absces.
Trajtimi praktikohet me anestezi lokale, kështu që pacienti nuk do të ndjejë asgjë.

Kur është i nevojshëm trajtimi i kanalit të rrënjës?

Ka simptoma të ndryshme që ju bëjnë të kuptoni se kur keni nevojë për trajtime endodontike:

• formimi i një abscesi në rrënjën e dhëmbit
• ndjeshmëri e zgjatur ndaj substancave të nxehta dhe të ftohta
• dhimbje të forta, të vazhdueshme ose gjatë përtypjes
• këputja e dhëmbit
• Kur pulpa dentare infektohet, bakteret shumohen në dhomën e pulpës dhe së bashku me pulpën që vdes, krijojnë një infeksion ose një absces që është një qese plot me qelb që krijohet në rrënjën e dhëmbit.
• Nëse infeksioni përparon, dhimbja dhe ënjtja mund të shtrihen në pjesë të tjera të fytyrës.

Pasi të jetë eliminuar infeksioni, falë trajtimit të kanalit, dhëmbi i restauruar normalisht do të zhvillojë funksionet e përtypjes. Megjithatë, është e rëndësishme që të trajtohet me kujdes higjiena orale pas një trajtimi endodontik.

Trajtimi i Femijve

Daku Dental ofron shërbimin e trajtimit të fëmijëve të cdo moshe . 

Kur duhet bërë visita e parë?
Vizita e parë duhet bërë rreth moshës 2-3 vjeç, në mënyrë të tillë, që ti mësojmë fëmijës se si mund të kujdeset për dhëmbët e qumështit dhe gingivën. Ndërkohë po në këtë moshë, ata mund të fillojnë me trajtimet e higjenës orale dhe checkup-e të rregullta tek mjeku i tyre stomatolg. Qëllimi i vizitës së parë në një moshë kaq të hershme është ta mësojmë fëmijën të njihet dhe të përshtatet me ambjentin e punës, në mënyrë që të familjarizohet, duke e përjetuar si një eksperiencë jo shqetësuese për të.
Përse dhëmbët e qumështit janë kaq të rëndësishëm?
Në fakt dhëmbët e qumështit formohen përpara lindjes së fëmijës. Fillimisht dhëmbët e parë që dalin janë incizivët qëndror të poshtëm në muajin e katërt, më pas vijohet me incizivët qëndror të sipërm. Dhëmbët e tjerë të serisë së qumështit përfundojnë rreth moshës 3 vjecare, por vendndodhja dhe renditja e tyre është e ndryshueshme.
Seria e dhëmbëve të përhershëm i ka fillesat në moshën 6 vjecare, duke filluar me daljen e dhëmballëve të para dhe incizivët qëndror të poshtëm. Ky proces vazhdon deri në moshën 21 vjecare me daljen e dhëmballëve të treta (të pjekurisë). Një pacient adult ka 28 dhëmbë të serisë së përhershme dhe 32 elementë dentare duke përfshirë dhe dhëmballët e syrit.
Prezenca e tyre është e rëndësishme sepse i lejon fëmijës të ushqehet, të qeshë dhe të flasë. Dhëmbët e qumështit shërbejnë edhe si ruajtës të hapësirës për dhëmbët e përheshëm duke favorizuar një rritje harmonike të nofullave. Prishjet e dhëmbëve të qumështit mund të shkaktojnë njësoj si prishjet e dhëmbëve të përhershëm dhimbje, infeksione dhe aromë jo të këndeshme të gojës.
Kurimi i dhëmbëve të qumështit mund të bëhet me teknika të thjeshta dhe pa dhimbje për fëmijën.

Cfarë është silanimi i dhëmbëve ? Silanimi i dhëmbëve është një procedurë që parandalon formimin e prishjeve të dhëmbëve. Aplikimi i silanteve (një shtresë e hollë resinoze fluide) rekomandohet sidomos tek dhëmballët e përheshme të sapo zbuluar nga gingiva. Forma okluzale e këtyre dhëmbëve është e përbërë nga kreshta dhe gropëza të cilat favorizojnë zhvillimin e proceseve karioze. Kjo procedurë kryhet pa dhimbje dhe cila bëhet pa nevojën e anestezisë lokale.
Cfarë është profilaksia me fluor? Profilaksia me fluor konsiston në aplikimin sipërfaqësor të xhelit të fluorit në mënyrë perdiodike me qëllim përmiresimin e struktures kristalore të zmaltit të dhëmbëve. Përmirësimi i strukturës së zmaltit e bën dhëmbin me rezistent ndaj sulmeve të acideve të baktereve që shkaktojnë kariesin dentar. Një kujdes të vecantë duhet treguar në aplikimin e sasisë së fluorit ose gjatë gëlltitjes së sasive të konsiderueshme të pastave të dhëmbëve me përmbajtje fluori, pasi një sasi e tepërt mund të coj në formimin e Fluorozis (pigmentime të bardha në sipërfaqen e dhëmbëve).